Jóannes Bjartalíð avgjørdi dystin
Hann kom, sá og sigraði.
Soleiðis kann tað sigast um avrikið hjá Jóannes Bjartalíð, tá ið Fredrikstad vann 1-0 á Oern-Horten í dag.
Tað var dystur í norsku steypakappingini, og longu við dystarbyrjan kundi man síggja, at Mikkjal Thomassen ikki hevði valt sterkastu uppstilling, men eina uppstilling, har hann gav nøkrum leikarum spælitíð, ið enn ikki hava fingið so nógv higartil.
Jóannes byrjaði á beinkinum, meðan Brandur H. Olsen byrjaði inni.
Oern-Horten spælir til dagligt í einari deild lægri enn Fredrikstad, nevniliga í 2. Division: Group 1.
Tí vóru Fredrikstad klárir favorittar, men tað gekk illa at fáa hol á málskjótingina.
Jóannes Bjartlíð varð innskiftur fyri Noa Williams í 63'inda minutti, og í 91'inda minutti skoraði Jóannes einsamalla málið í dystinum.
Málið er tað fyrsta hjá Jóannes síðani hann flutti til Fredrikstad, hóast hann hevur verið sera nær við fleiri ferðir áður.
Longu nú skriva norskir miðlar, at Jóannes er ein av vigtigastu spælarunum á liðnum hjá Fredrikstad.
Fredrikstad er sostatt víðari í steypakappingini.