Lýsing
Lýsing
Lýsing
Mynd: Oliver Joensen

Kringvarpið sendir ikki KÍ-dystirnar

SKRIVAÐ: Jóhann Lützen  |  19.09.2023 - 15:52 Ítrottur Tíðindi

Rættindini at senda dystirnar gjørdust ov dýr, staðfestir kringvarpsstjórin

 

 

KÍ spælir fyrsta dystin í Conference League-bólkaspælinum hóskvøldið. Men dysturin verður ikki at síggja í KVF. “Tað eru nógvir pengar í evropeisku fótbóltskappingunum fyri feløg, og bólkaspølini enda á gjaldsrásum ella handan gjaldsveggir, har public service-rásirnar ikki kunnu vera við. Í ár er onki undantak”, staðfestir kringvarpsstjórin, Ivan Hentze Niclasen.

Tað er UEFA, sum selir rættindini til bólkaspølini í Champions League, Europa League og Conference League. “Vit hava havt eitt gott samstarv við KÍ í sambandi við dystirnar móti Ferencszvaros, Hacken, Molde og Sheriff Tiraspol, men nú tað kemur til evropeisku bólkaspølini, mugu vit bara ásanna, at vit kunnu ikki vera við fíggjarliga”, sigur Ivan Hentze Niclasen.

 

Altjóða ítróttarættindi eru vorðin sera dýr

Seinnu árini er prísurin á altjóða ítróttarættindum farin upp í loft. “Fíggjarkreppur ella onnur viðurskifti gera seg ikki galdandi her. Rættindini til at vísa tær stóru væl umtóktu ítróttagreinirnar eru síðstu tíggju árini vorðin dýrari og dýrari”, sigur kringvarpsstjórin.

Gongdin hevur elvt til, at stóru norðurlendsku public service-rásirnar í nøkrum førum eru gingnar saman um at bjóða upp á eitt nú Olympiskar leikir, HM-endaspøl og EM-endaspøl. Hetta verður gjørt í eini roynd at geva øllum borgarum høvi at síggja tær stóru savnandi ítróttahendingarnar. Mentanarpolitiskt er hetta eitt gott átak, heldur kringvarpsstjórin.

Lýsing
Seinastu tíðindini
Fyrsti Christian á Grótinum nýbygdur á K…
Mikudagin 14. mai kl. 17:45 hátíðarhalda…
Lembingin byrja í Útistovuhaganum
Rúsan longri opið í Havn
Órógv millum áskoðarar eftir dystin í Ru…
Legendariskur vágabólkur á Summar Festiv…
Tí gjørdist navnið KG
KÍ vann spennandi toppdystin í Runavík
Stroyma frá lands­stevnuni hjá Javnaðarfl…
Fiskur fast pláss á matskránni undir KG
Ferðamanna­skip í Ánunum
Myndarøð: Reisigildið á KG
Nýggja hotellið kallast KG
Hanus: Hornorkestrið var ikki í Gøtu í 1…
Virðisbrøv­ini munaðu væl hjá Búnaðargr…
Filmsfyritøka: Sjálvlærd á Youtube
Provoker­andi samrøða fekk meg uppfrá
Upptakt: NSÍ-KÍ
ROK.FO letur upp í Klaksvík
Páll Finnur Páll á Summar Festival