Lýsing
Lýsing
Lýsing
Illveður í dag. Miðalvindferðin er beint undir stormi. Hetta verður veðrið allan dag. 15 til 20 m/s av landnyrðingi norði, seinni er beinur norðan. Samdrigið allan dag og regn fyri tað mesta. | Mynd: Vørn - veðurstøðin á Akrabergi

Veðrið í dag

SKRIVAÐ: Hanus Kjølbro  |  21.09.2023 - 08:05 Tíðindi Veðrið

Nakað av vindi er í dag. Sambært vindmátarum Landsverks er miðalvindurin kring landið 15 til 20 m/s av landnyrðingi norði. Í hvirlunum er vindferðin upp í 25 m/s, onkrastaðni meiri enn tað. Hetta er beint undir stormi.

Samdrigið er í morgun – t.e. at skýggj fjala alt loftið, einki hol er upp ígjøgnum. Tað regnar kring alt landið, tó at tað ikki regnar líka illa alla tíðina. Hitin liggur um 8 – 9 stig.

Orsøkina til keðiliga veðrið er eitt lágtrýst, sum í morgun er einar 100 fjórðingar ella minni í landsynning úr Suðuroynni. Trýstið í miðjuni er 974 hPa, og tað er nokkso lágt, og tí er nakað av vindi rundan um tað. Mesti vindurin er vestan- og norðanfyri miðjuna – akkurát har sum Føroyar eru!

Lágtrýstið við brúgvaløgum liggur um okkara leiðir. Vit liggja vestan fyri miðjuna, har sum mesti vindurin og mesta regnið er.

Hvussu veðrið fer at vera restina av degnum í dag og í morgin velst alt um, hvønn vegin lágtrýstið fer, og um tað dýpist ella grynnist.

Lágtrýstið fer í dag at ganga í landsynning – tað er ímóti Hetlandi og burtur frá okkum – meðan tað grynnist spakuliga. Tað fer ikki at ganga so skjótt fyri seg, og veðrið í Føroyum fer tí ikki at batna so skjótt.

Forsøgnin fyri Føroyar er, at vindurin sum er í morgin fer at vera allan dagm men ættin fer út á dagin upp í beinan norðan. Tað verður líka grátt í veðrinum allan dag, og tað fer at regna fyri tað mesta kring alt landið – tó verða løtur við ongum regni onkra løtu.

Hitin í dag fer at koma upp í eini 10 – 11 stig.

Lýsing
Seinastu tíðindini
Kunning frá trúboðarum – í Betesda sunnu…
Havnarbátu­rin javnaði til 2-2
Oyggja­leikir: Løgmaður ynskti íðkarum gó…
Svein Rógvi tippar barna­róðurin
Nøglin: Svein Rógvi tippar Varmakelduróð…
KÍ, Víkingur og NSÍ spæla altjóða heimad…
Kort yvir Laksatorgið
Føroyskt teknmálið verið góðkent í átta…
Stuðuls­fólk til 19 ára gamlan drong
EKKÓ í Varpinum
Blákollan letur stuðul til Team Rynkeby
Tøkk - Sam Adolf Bjartalíð
Klaksvíkar kommuna hevur fingið nýggjan…
Nýggi graslíkisvøllu­rin verður tikin í n…
HARALDSEN diskar á Summar Festivalinum
Skamnesty International
Fyrsti kúlulaksu­rin longu fingin
Hallur væntar at spæla í Finnlandi
Air France-KLM fer eftir meiriluta­num í…
Team Klaksvík hevur sett nýggjan høvuðsv…