Tað gekk javnt á fyrstu 20 minuttirnar, tá Stjørnan og Kyndil hittust í KÍ-høllini ídag, men seinasta partin av fyrra hálvleiki hevði Kyndil hug at draga frá Stjørnuni. Hálvleiksstøan var 12-8 til Kyndil. Eins og í dystinum ímóti Neistanum seinasta vikuskifti kunnu stjørnukvinnurnar takka sær sjálvum fyri, at tær ikki høvdu leiðsluna í steðginum, alt, alt ov nógvir upplagdir málmøkuleikar verða misnýttir. Trupuleikin má vera tann, at leikararnir geva sær ikki stundir at hugs um, hvussu teir plassera skotini, tá avsluttað verður. Tað má avgjørt okkurt kunna gerast við.                                                                                                                                             

Í byrjanini av seinna hálvleiki hevði Kyndil hug at økja um leiðsluna, og hevði tað einu løtuna eina leiðslu uppá seks mál, men Stjørnan megnaði at svarta aftur, og fekk minkað um leiðsluna hjá Kyndil til tvey mál, og hevði møguleika at minka um munin til eitt mál, men tað miseydnaðist. Í næsta álopinum eydnaðist tað Kyndil at skora, og nærri kom Stjørnan ikki. Dysturin endaði við 25-22 sigri til Kyndil.

Málini hjá Stjørnuni skutu:  Savica Mrkik 5, Sonja S. á Bergi 4, Valentina Landri 4, Jancy H. Poulsen 3, Durita L. Johnansen 2, Ella Samson 2, Joan Sørensen 1 og Nina Abramovic 1