Seint týsdagin er tað farið eystureftir og í upploysn, men so kemur eitt annað lágtrýst vestaneftir. Vit fara at uppliva skiftið millum lágtrýstini sint týskvøldið og mikunáttina.

Eftir tað fer veðrið aftur at vera sum nevnt omanfyri, tó kunnu vit rokna við eitt sindur kaldari luft enn áður.

Veðrið í vikuni – dag fyri dag:

Mánadagin: Um náttina 3 til 8 m/s av landnyrðingi, smáskýggjað og yvirhøvur turt. Fram ímóti morgni dregur á luftina, og tað verður ælaveður. Fyrrapartin hækkar hann til landnyrðing norðan. Seinnapartin er minkandi vindur av landnyrðingi norði, niður um 5 m/s, skiftandi skýloft og okkurt ælið. Hitin 5 til 9 stig.

Týsdagin: Lítið lot av landnyrðing norði, minni enn 5 m/s, klárt, men í støðum smáskýggjað og okkurt ælið. Út á fyrrapartin gongur ættin niður í landnyrðing. Seinnapartin og um kvøldið eitt lítið lot eystan, minni enn 5 m/s, smáskýggjað og yvirhøvur turt. Hitin týsdagin millum 3 og 8 stig.

Mikudagin: Mikunáttina og -fyrrapart veksandi vindur av eystri, úr 3 m/s upp í 10 m/s á middegi, meðan tað er smáskýggjað og ælaveður. Seinnapartin og um kvøldið 8 til 13 m/s av eystri, skiftandi skýloft og ælaveður. Hitin 4 til 8 stig.

Hósdagin: Um náttina eitt lítið lot av ymsum ættum, men sum líður á veksur hann vindin av landnyrðingi upp í 8 til 13 m/s, meðan skýloftið er skiftandi og tað er ælaveður, sum frá líður eisini við vátakava ella kava. Seinnapartin veksur 10 til 15 m/s av norði, skýggjað og ælaveður við regni ella kava. Um kvøldið 5 til 10 m/s av eystri, skiftandi skýloft og ælaveður. Hitin 4 til 7 stig.

Fríggjadagin: Lot til frískt lot av landnyrðingi, 3 til 8 m/s, smáskýggjað og okkurt ælið. Um kvøldið eitt sindur meira vindur, 5 til 10 m/s. Hitin 4 til 8 stig.