Tískil verður hitaannleggið tendrað í dag, og fram til dysturin er spældur hóskvøldið kl. 17.45. Hetta er ein íløga, sum kanska kostar eini 100.000 kr., men hetta tryggjar, at eingin vandi verður fyri, at dysturin ikki kann spælast. Vit hava sæð m.a. í Norra síðsta vikuskifti, at lið hava tapt dyst, tí heimaliðið ikki hevur tendrað hitaannleggið við tí avleiðing, at vøllurin bleiv frystur. Kann dysturin ikki spælast, so kann tað skapa stórar trupulleikar fyri KÍ.

Tað verður ikki sagt frá kava hesa vikuna, men tað verður høgætt og kalt, har tað kann nærkast frostmarkinum hóskvøldið.

KÍ-Slovan Bratislava spæla hóskvøldið kl. 17.45.