Lýsing
Lýsing
Lýsing

„Stóra jólalyftið“ – nýtt barnatilfar frá Leirkerinum

SKRIVAÐ: Jóhann Lützen  |  28.11.2023 - 16:28 Mentan Tíðindi

Saman við Mariu og Jósefi, eini rúgvu av hirðum, nøkrum vísum monnum og nógvum, nógvum einglum, kanst tú hoyra um, hvussu Gud helt sítt stóra jólalyfti.

 

 

Enn ein bók er nú komin í røðini, „Sannar søgur”. Í hesi røðini av vakurt myndprýddum barnabókum, sum bæði eru lættar at lesa og hugvekjandi at hyggja í, hoyra børn søgur úr Bíbliuni og um alt tað, bókanna bók hevur at siga bæði børnum og vaksnum.

„Stóra jólalyftið” er fimta bókin, sum er komin í røðini. Hinar fýra eru, „Undrið klokkan eitt”, „Ein garður, eitt forhang og ein krossur”, „Stormurin, sum steðgaði” og „Heilt ótrúliga framúr frálíka veitslan í allar ævir”.

Umframt bókina sjálva, fæst eisini ein jólalig máli- og ítrivsbók, saman við einum jólakalendara og andaktsbók. Máli- og ítrivsbókin er á tremur við villiniborgum, orðaspølum og gátum, sum børn kunnu lita og loysa. Jólakalendarin og andaktsheftið eru snikkað soleiðis til, at børn og vaksin saman kunnu lesa í bíbliuni alla jólahøgtíðina og sjálv síggja, hvussu Gud hevur hildið sítt stóra jólalyfti.

Arni Zachariassen hevur týtt tilfarið til føroyskt. Bøkurnar og kalendarin fáast til keyps á nethandlinum, www.leirkerid.fo, og í bókahandlunum kring landið.

Lýsing
Seinastu tíðindini
Dystar­veðrið KÍ – SJK
Passivt-aggressivir politikarar
Bláa Bylgjan ger nógv burturúr avgerandi…
Lena Anderssen á Summar Festivalin
Kaj Leo: Eg stovnið eitt áhugafelag fyri…
Upptakt: KÍ-SJK
Helgi Jacobsen 90 ár
Mowi Føroyar 30 milliónir í yvirskoti í…
Páll A. Klettskarð: Hesir dystir eru nak…
Magnus Powell: Kanska hendur okkurt, áðr…
Oljudálking við Grótrætt
Tvey pør í finalunum í tvímansleiki
Seinasta venjingin undan stórdysti­num í…
Miriam og Rúni í finalunum í einmansleik…
Oyggja­leikavetera­nar hittust á Orkney
Hallur Joensen vitjar Norðlýsið
Framerunning: Fleiri gull og met í Danma…
Kring Eiðisvatn í bakandi sól
Náttúrubingo - kom út í náttúruna í summ…
Bakkafrost: Væntað stórt fall í kursinum…