Lýsing
Lýsing
Lýsing
Mynd: Oliver Joensen

KÍ-leikari hevur fingið álvarsaman skaða

SKRIVAÐ: Jákup Ósá  |  28.11.2023 - 16:57 Ítrottur Tíðindi

Spælir ikki aftur í 2023 og neyvan aftur fyri KÍ.

- Tað er sostatt okkurt sum bendur á, at tað er ein váði, sum KÍ tekur á málmansøkinum í ár við tveimum málverjum, ið hava havt nógvar skaðar seinnu árini.

Soleiðis skrivaði Norðlýsið í grein 25. januar tá tað var greitt, at KÍ fór at hava Markus O. Pettersen og Róa M. Hentze sum málverjar við kappingarbyrjan í 2023. Í summar mátti Rói gevast, tí hann fekk ikki spælt vegna skaða og Markus hevur verið so mikið skaddur, at KÍ hevur givið spælitíð til Geza Turi, Hannis Matras umframt Nils Jonatan Johansson, sum kom til felagið í summar, tá KÍ manglaði málverja.

Markus O. Pettersen hevur spælt 17 dystir av teimum 40, sum KÍ hevur spælt í ár. Men norski málverjin spælir ikki aftur í ár, tí í síðstu viku fekk hann ein álvarsama skaða í knæðið. Tað gongur helst rúm tíð til hann spælir aftur. Hann hevur sostatt spælt sín síðsta dyst fyri KÍ í ár og helst eisini yvirhøvur, tí hann hevur ikki sáttmála fyri 2024, og KÍ hevur fingið ein nýggjan málverja til hópin í Ara Í Haraldsstovu Petersen. Tann triði málverjin, sum er skrásettur til bólkaspælið, Hannis Matras, hevur eisini havt skaða síðstu tíðina. Verður hann ikki klárur, so fær KÍ helst undantaksloyvið at fáa ein nýggjan málverja til dystirnar, sum tá mest sannlíkt verður Ari í Haraldsstovu Petersen. Tað er tó eingin ivi um, at Nils Jonatan Johansson verður fyrsti málverji, men eisini hann kann fáa skaða ella leikbann og so verður brúk fyri eykamálverjanum. Tað verður ikki Markus, men kanska Hannis og um hann eisini verður skaddur, so er møguleiki fyri, at Ari í Haraldsstovu Petersen fær sín fyrst dyst longu í 2023.

 

KÍ-Slovan Bratislava spæla hóskvøldið kl. 17.45.

Lýsing
Seinastu tíðindini
Hálvur klaksvík­ingur søkti KÍ
Nýtt forfólk í Pedagog­felagnum
Søren Pape Poulsen deyður
Lønin avgerandi fyri brúkiliga bjarginga…
Haakon Lunov: KÍ er liðugt at keypa inn
Upptakt: KÍ-HB
Uriah Heep kemur til Klaksvíkar
Kunningarstovan á ferð í Norð­oyggjum
Móttøka í Vágum fyri fyrsta føroyska far…
Á pall fyri fyrstu ferð
Opið hús á Tekniska skúla
Prógvhandan á Yrkisnámi
Veðrið um vikuskiftið
Aðalfundur Norðoya Fornminna­felag 2024
217 ára gomul føroysk kvinnu­troyggja fun…
Magne Hoseth: Tað kom sum eitt sjokk
Magne Hoseth fekk 50 dagar - uppsagdur
Samstarvsavtala millum Sunda kommunu og…
Hugnaløta í kirkju­kjallarinum
Bátafelagið á Torradøgunum