Haldið við jólatræið í Svínoy avlýst
Eftir ætlan, skuldi jólatræið í Svínoy verður tendrað leygardagin 9. desember kl. 16.00.
Í hesum sambandi skuldi Ritan fara av Hvannasundi kl. 14.45, og síðani sigla leiguferð úr Svínoy kl. 17.30.
Til hesar ”Jólatræ-ferðir” plagdi altíð at vera hópin av fólki við Rituni báðar vegir, tó at nógv ættarfólk steðgaði vikuskiftið yvir.
Sjálvandi varð eisini røða hildin við træið – ella onkuntíð hava vit eisini verið inni í hugnaligu kirkjuni bæði við røðu og frálíkum jólaløgum frá Klaksvíkar Hornorkestri.
MEN nú stendur Ritan á beding og verður í fyrsta lagi tøk 16. desember. Fyri Rituna siglir Tjørnunes, sum bert tekur 12 fólk – Vanliga telur Klaksvíkar Hornorkestur 12 og helst fleiri fólk.
Tí verður hildið, at hetta verður ov tepurt og ov langt útliðið. Tí er avrátt, at tað verður einki skipað hald við jólatræið í Svínoy í ár saman við Klaksvíkar Hornorkestri, røðarum og øðrum.
Av somu orsøk fellur leiguferðin úr Svínoy kl. 17.30 burtur.
Vit vóna at kunna gera tað enn betri næsta ár saman við Klaksvíkar Hornorkestri og einum áhugaverdum røðara.
Við ynski um góð og hugnalig jól!