Lágtrýstið fer at vikna leygarkvøldið og taka seg eitt sindur norðureftir. Tí broytist veðrið eitt sindur hjá okkum. Vit fara at fáa eitt sindur lýggjari luft ímóti okkum eystaneftir og seinni av landsynningi, og avfallið fer eftir tað at vera meira regn enn vátakavi ella kavi.  

Vindferðin hevur ligið um 5 til 10 m/s í morgun av norði, men er seinnapartin vaksin upp í 10 til 15 m/s. Skýloftið restina av degnum yvirhøvur samdrigið, og so kunnu vit rokna við avfalli, bæði sum regn ella vátakavi, í støðum kavi. Hitin fer at liggja 2 stig báðumegin frostmarkið.  

Í morgin fer hann at liggja av norði ella landnyrðingi, vindferðin fer at at liggja um 10 til 15 m/s, skýloftið framvegis skýggjað og eitt sindur av avfalli í ælum við kava ella vátakava. Um kvøldið dregur samanum, og sum frá líður fer at regna. Hitalagið í morgin úr frostmarkinum upp í eini 4 stig, men um kvøldið eitt sindur lýggjari, upp í 6 stig.

Sunnudagin minkar vindurin niður um 10 m/s, og ættin gongur niður í eystan. Fyrra part av degnum hálv- ella smáskýggjað og okkurt ælið, men sum líður á dagin lækkar hann niður í landsynning, tað verður samdrigið og samregn. Hitin millum 3 og 7 stig.

Gott vikuskifti.