Lýsing
Lýsing
Lýsing
Mynd: Sólja Jóanisdóttir

Veðrið í vikuni

SKRIVAÐ: Hanus Kjølbro  |  14.04.2024 - 21:53 Tíðindi Veðrið

Hesa vikuna fer eitt hátrýst at menna seg yvir havleiðini millum Evropa og Norðuramerika. Lágtrýstini fara at taka eina leið av eysturstrondini í USA norður ímóti Kappanum og haðani eystureftir ella í landsynning ímóti Norðsjónum.

Veðrið í Føroyum fyrra part av vikuni fer at vera køli við vetrarligum ælingum, men í miðvikuni og frameftir fara lágtrýst at órógva myndina eitt sindur.

Veðrið í vikuni – dag fyri dag:

Mánadagin:

Veksandi vindur upp í 10 til 15 m/s  av norði. Um kvøldið gongur hann niður í útnyrðing. Skýloftið er skiftandi við onkrum æli av og á, um náttina kanska vátakavi ella kavi. Hitin fer at liggja millum 3 og 7 stig, men um náttina niður ímóti frostmarkinum.

Týsdagin:

Ættin millum norðan og útnyrðing, 10 til 15 m/s. Seinni minkar vindurin niður í 8 til 13 m/s og fer at liggja millum norðan og landnyrðing. Skýloftið skiftandi við ælaveðri, har sum vátakavi ella kavi kunnu vera uppií. Um náttina minkar vindurin niður í 3 til 8 m/s, loftið meira skýggjað, og bert okkurt ælið við vátakava ella kava. Hitin millum 2 og 5 stig um dagin; um náttina millum frostmarkið og 3 stig.

Mikudagin:

3 til 8 m/s av ymsum ættum ella av landsynningi. Skiftandi skýloft og yvirhøvur turt og sólglottar. Um náttina veksandi vindur av suðuri og útsynningi upp í 8 til 13 m/s, loftið verður skýggjað og so fer at regna vestaneftir. Hitin millum 3 og 6 stig.

Hósdagin:

8 til 13 m/s sunnaneftir ella av útsynningi, seinni snarandi í vestan og veksur vindin upp í 10 til 15 m/s, samdrigið og regn. Um kvøldið og náttina 10 til 15 m/s vestaneftir, seinni av útnyrðingi. Tað verður eitt sindur klárari, men tó enn okkurt ælið við vátakava. Hitin um 8 stig um dagin, men fellur niður ímóti frostmarkinum um náttina.

Fríggjadagin:

8 til 13 m/s av útnyrðingi, seinni minkandi niður í 3 til 8 m/s, og ættin fer í eystan og landsynning. Skiftandi skýloft við sólglottum, men eisini ælaveður við vátakava ella kava. Hitin um dagin millum 2 og 5 stig; um náttina niður í frostmarkið.

 

Lýsing
Seinastu tíðindini
Ferðalag úr Lettlandi vitjaði Klaksvíkar…
Stangavegu­rin letur upp aftur
Kollafjarðar­tunnilin stongdur eina løtu
Vitlíki sum virkisstuðul í fíggjardeildu…
Leiðarin á Skálagarði frítstillað
Atlantis: Konsert við Jens Marna Hansen…
Megna Føroyar at vinna á Íslandi á heima…
Stuðuls­konsert, eydnuhjól og café
TARIRA enn eina frálíka konsert í Varpin…
Norð­oyastevnuteitið farið á flog
Tjóðlaða­rin úr Fuglafirði
Absalon Matras 80 ár
Mjølnir kvinnur umboða Føroyar
Juvel farin á trúboðaraferð til Grønland…
Lands­stýrið forðar fyri innovatión innan…
Skal samstarv millum almennar stovnar av…
Vinnulívs­fólk og eldsálir bygdu okkara l…
KÍ hongur í Víkingi og HB
Eg havi lært ongantíð at geva upp
Stóra tøkk til tykkum, sum hava latið MR…