Teir byrjaðu kl. 8 í morgun og hava skipað seg í trý ymisk lið, so tað eina liðið uppá skift fær hvíld og matnáðir.

Seks betonbilar hava koyrt í allan dag, meðan tvær strórar pumpustøðir hava verið á byggiplássinum.

Teir rokna við at verða lidnir um tvey-tíðina í nátt og hava tá blandað og stoypt eini 720 m3 ella 1.730 tons av beton. Víddin á botnplátuni er um 1.200 m2 og er um 70 cm høg.

Betonplátan undir Varpinum, sum liggur á kotu 0, er 310 rúmmetrar ella 740 tons. So henda stoypingin í kvøld er so nógv tann størsta stoyping í Norðoyggjum og helst víð um eisini, sum er gjørd í einum taki.

Tað er stóra blandistøðin hjá Kanjon úti á Skarðhamri, sum hevur blandað alt betonið. Teir lata væl at, at tað hevur gingið sum eftir ánni í allan dag. Nú er rættiliga kalt í kvøld, men um tveir tímar skuldi verðið liðugt at stoypa, siga tveir kaldir Dennis og Jógvan Si.

Á tí fyrsta partinum, sum byrjað varð við at stoypa í morgun, kanst tú longu ganga, tí har er harðnað so mikið.

Jú, eitt væla arbeiði við góðum amboðum og skilamonnum afturat. Tá letur nógv seg gera!

Sí eisini "Hotellið farið í gongd".