Vøkur gáva til Varpið
Herfyri kom ein kærkomin gáva í Varpið at standa.
Talan er um eitt vakurt Yamaha-klaver, av sera góðari góðsku.
Tað vórðu nevndarumboð fyri Lions Club Eysturoy - Klaksvík, Jan Erlingsson Petersen og Tummas Lervig, sum handaðu Varpinum gávuna.
Lions Club hevur til endamáls at skipa fyri tiltøkum, og at savna inn pening, til ymisk almannagagnlig endamál.
Fráboðanin um at Lions Club vildu stuðla mentanarhúsinum við einum klaveri kom sum vera man sera væl við, og Jóhanna Christiansen og Annfinnur Heinesen takkaðu teimum fyri hesa stórfingnu gávuna:
” Vit eru hjartans fegin um gávuna frá Lions Club í Eysturoy og Klaksvík. Tí eitt mentanarhús má sjálvandi hava góð ljóðføri, og hetta klaverið fer heilt víst at gagna okkara fjølbroytta virksemi í Varpinum.”