Veðrið um vikuskiftið
Hátrýstveður hevur verið í nakrar dagar, og tað fer tað eisini at vera í morgin og sunnudagin. Vanliga er hátrýstveður gott veður – turt og klárt við sól ella sólglottum. Hátrýstveðrið hetta vikuskiftið fer ikki at hava líka klára luft og lítlan vind, sum tað hevur verið aðrar tíðir.
Nokk um tað – niðanfyri er veðrið um vikiskiftið:
Í dag er eitt lítið lot av ymsum ættum, minni enn 5 m/s. Í kvøld fer vindurin fer at veksa upp í 3 til 8 m/s av landnyrðingi. Loftið er ógvuliga skiftandi bæði í dag og í kvøld, við tað at tað er skýggjað í støðum og okkurt ælið, men eisini smáskýggjað og í støðum kanska sól í øðrum støðum og ella tám og mjørki. Hitin í dag millum 9 og 12 stig.
Í morgin fer hann at liggja av eystri, vindferðin millum 5 go 10 stig. Allan dagin skýggjað og ælaveður, men eisini smáskýggjað og sólglottar í støðum. Hitin millum 6 og 11 stit.
Sunnudagin eru 3 til 8 m/s av eystri og landnyrðingi, skýggjað og ælaveður. Hitin millum 5 og 9 stig.
Gott vikuskifti.