Lýsing
Lýsing
Lýsing
Starvsfólkini á Løgringsskrivstovuni sótu í vøkru, reyðu og bleytu stólunum í høllini, meðan Andras Sólstein spældi sálmar og onnur stykki á flygelhorn, trompet og cornet. | Mynd: Dávur Winther

Løgtingsskrivstovan vitjaði Varpið

SKRIVAÐ: Tekstur og myndir: Dávur Winther  |  10.05.2024 - 17:26 Mentan Myndarøð Tíðindi

Í dag vóru 14 av teimum 16 starvsfólkunum, sum starvast á Løgtingsskrivstovuni á vitjan í Varpinum.

Johnhard Klettheyggj, stjóri hevði sett á skrá ein starvsfólkadag í Klaksvík, har tey m.a. fingu ein góðan bita á Kafé Fríðu, sóu Varpið og fingu eina frágreiðing um húsið, og annars hoyra nærri um drúgvu tilgongdina frá hugskoti til nú næstan liðugt hús.

Hallur Markná, fíggjarfulltrúi og skrivari í Fíggjarnevnd Løgtingsins ringdi her fyri, um til bar at síggja Varpið – og tað var ikki hálvtalað orð, so var tað uppá pláss.

Umframt frágreiðing, sum Dávur og Jóhanna stóðu fyri, sóu tey alt húsið og sótu í vøkru, reyðu og bleytu stólunum í høllini, meðan Andras Sólstein spældi sálmar og onnur stykki á flygelhorn, trompet og cornet. Hann eisini greiddi frá muninum á ljóðførunum, og hvat tey vanliga verða nýtt til.

Endamálið við hesum tónleikainnslagnum var eisini at vísa ljóðgóðskuna í høllini. Hetta hugaðu gestunum væl, og tóku tey eisini til hvussu snotilig høllin var, eins og húsið kann nýtast til so mangt ymiskt.

Tey skuldi eisini síggja Christianskirkjuna, Nólsoyar Páls garðin, ganga út í Grøv og síðani fáa ein betri bita, áðrenn leiðin lá aftur til Havnar.

Eitt av stravsfólkunum bedýraði - ávegis út úr húsinum - hesa vitjanina og frágreiðingina sum serstaka, og vildi sleppa inn aftur seinni í summar við einum ørðum ferðalagi – “Jú, sjálvandi tað”, var svarið!

Lýsing
Seinastu tíðindini
Stýrir Sambands­flokku­rin í veruleika­num…
Espen Haug verður nýggjur høvuðsvenjari…
Fríggja­dagin kom út verkið Tættir og tei…
Svenskur verjuleikari til KÍ
Nýggj bók – Saman um samkomuna
Straight Ahead heiðraðir
Jóhan Josephsen er nú toppskjútti í 1.de…
Almenn móttøka í sambandi við 3 Tesla MR…
Kom og hoyr Sangkórið í Betesda og um le…
Hetta er mítt HJÁLPARTÓL!
Varpið brakaði saman við Straight Ahead!
Myndarøð: Heiðurs­konsert fyri Straight A…
Jørgin Dahl fekk Listavirðisløn Nólsoyar…
Nýggj kanning: Hvat halda føroyingar um…
Fólka­flokku­rin: Skattgjalda­rin hevur upp…
Petur Larsen yvirskot í 2023
Býráðið í rangstøðu á Djúpumýru
Brúka so bara bussin
Hvat er trupulleikin ?
Fíggjar­mála­ráðið keypir KT-skipan fyri 1…
Lýsing