Lýsing
Lýsing
Lýsing

Donsku bankarnir lækka útlánsrenturnar

SKRIVAÐ: Jóhann Lützen  |  13.05.2024 - 11:45 Tíðindi

Føroysku bankarnir hava nú munandi hægri bústaðarrentur enn donsku stórbankarnir. Fylgja føroysku bankarnir teim donsku eftir, spara føroyskir lántakarar fleiri túsund krónur um mánaðin.

Síðstu fjúrtan dagarnar hevur ein prískapping tikið seg upp á danska bankamarknaðinum. Tað skrivar Børsen um í dag. Danske Bank setti fyri tveimum vikum síðani gongd í eina prískapping, har stóru donsku bankarnir eru fylgdir við í eini munandi lækking av útlánsrentuni á bíligastu bústaðarlánunum. Føroysku bankarnir hava ikki gjørt tað sama - enn. 

Vanliga broyta bankarnir útlánsrenturnar í sambandi við, at sentralbankin broyta sína leiðandi rentu. Men danski Tjóðbankin og ECB hava ikki lækkað sínar rentur enn, hóast ábendingar eru um, at rentan verður lækkað í juni. Allíkavæl

Um føroysku bankarnir bjóðaðu lægstu donsku bústaðarrentuna á 4,25%, hevði kundin rinda 1.000 krónur minni í rentu um mánaðin fyri hvørja lænta millión. Í staðin mugu teir rinda millum 5,45-5,90%.

Miðalprísurin í Føroyum liggur í løtuni um 3 milliónir krónur, har sethúsakeyparar læna áleið 90 prosent. Hevur kundin eitt lán á 2,7 milliónir krónur, rindar føroyski kundin 2.700 krónur meira um mánaðin enn danski kundin ger í løtuni. Eftir rentustuðul á 35% er mánaðarligi meirkostnaðurin 1.755 krónur. 

Talvan niðanfyri vísir verandi støðu, har størstu donsku bankarnir hava lækkað útlánsrenturnar, meðan smærru donsku bankarnir og teir føroysku enn ikki hava lækkað.

Í Danmark verða bankalánini vanliga bert brúkt til at fíggja tann partin av lántøkuni, sum liggur útyvir tey 80 prosentini, sum verða fíggjaði við realkreditt. Meðan í Føroyum er framvegis nógv meira vanligt at fíggja alt við bankaláni. Sostatt hava føroysku bankarnir eisini betri trygd fyri sínum lánum enn teir donsku. 

Talvan vísir lægstu og hægstu rentu á bíligastu bústaðarlánum bankanna. Kelda: Børsen og heimasíðurnar hjá bankunum

Lýsing
Seinastu tíðindini
Hava skrivað undir sáttmála um liðugtger…
Nú eru dystirnir hjá KÍ móti Differdange…
Eg skilji ikki, at ungir menn ikki halda…
Vónin samtakið er í vøkstri
Burturkastkunngerðin er longur burtur nú…
Joan Kannuberg sett sum einalærari í Hús…
Tá Jøkul varð sjósettur
Greining: Útlendsku starvs­fólk­ini stóran…
Nýggj frímerki frá Posta í dag, 24. juni
Klaksvík­ingur fekk debut í bestu deildin…
Tað gráa gullið – nýti arbeiðsmeg­ina hjá…
Hvør er Joseph Michael Williams?
Málninga­framsýning við Elisabeth á Bakka…
KÍ er nú endaliga úti av FM-stríðnum
KÍ fingið styrk til álopspartin
Hetta var ikki okkara dagur - KÍ tapti 0…
18 mánaðir – har vit hava loyst hvønn da…
Upptakt: HB-KÍ
Seinastu sluppir­nar í Klaksvík fóru alla…
120 børn á Másheyggi