Tey vóru annars samd í gjárkvøldið í fíggjarmálaráðnum um, at fara í fasta gerðrætt við málinum um verkfallið. Men hetta varð av ongum. 

Keldur sum Norðlýsið hevur tosa við í kvøld upplýsa, at løgmaður hótti fíggjarmálaráðfrúuna fyrrapartin við at blaka hana til hús um hon sendi áheitan til gerðarættin. Javnaðarflokkurin stendur vanaligt í veljarakanningum og hevur harumframt landsstevnu leygardagin í Skálavík og trekkið hjá løgmanni skal sjálvsagt skiljast sum ein roynd at tekkjast arbeiðarastættini og baklandinum aftur. 

Samgongan hevur sitið á kreppufundi í Tinganesi síðani kl. 14.00 í dag. Í fleiri øðrum málum er ósemja í samgonguni - gongd í haga, elveitingarlógin, lániheimild til Bústaðir, málið um fosturtøku og lønir til løgtingsfólk.

Á facebook í kvøld spyr Sólvit E. Nolsø, partamaður hjá Ruth Vang speiskliga um "tíðin ikki er komin at takka Fasta Gerðarrættinum fyri trúgva, men ódrúgva tænastu?" og víðari "Tað er so eingin orsøk at brúka pengar og orku uppá ein arbeiðsmarknaðarrætt, sum alíkavæl ikki verður brúktur, tá hann skal brúkast."