Eingin stórvegis broyting í kuldanum hetta vikuskiftið. Hann fer fyri tað mesta at liggja av norði, men ikki nógur vindur, og avfallið, sum verður, fer at koma í ælingum.

Tað sum er eftir av degnum í dag fer hann at liggja av ymsum ættum, vindferðin minni enn 5 m/s. Í kvøld veksur vindurin upp í frískt lot til frískan vind norðan ella útnyrðingi, 5 til 10 m/s. Skiftandi skýloft og løtur við regni ella ælaveður. Hitin 3 til 7 stig.

Í morgin ári fer hann uppaftur í norðan, vindferðin um 3 til 8 m/s. Allan dagin smáskýggjað og ælaveður, og hitin fer at liggja millum 5 og 9 stig.

Sunnudagin framvegis 3 til 8 m/s av norði, onkra upp í 10 m/s, smáskýggjað og yvirhøvur turt. Seinnapartin gongur hann niður í útnyrðing eitt skifti, men framvegis samdrigið og mest turt. Hitin fer at liggja millum 5 og 9 stig.

Gott vikuskifti.