Tað er altíð gott prát leygarmorgun um 10 tíðina í hølunum hjá Norðoya Bátafelag. Tey bjóða kaffi og rundstykkir. Typirnar sum vitjað, skulu vit siga, hava gott útstød, so prátið gongur lystiliga og lætt. 

KÍ sigurin ígjár móti NSÍ fekk fleiri góð orð á vegnum, Norðlýsið fekk nøkur skot og síðani vælsignaða grindin, sum legði beinini í Hvannasundi í gjár, har hópin av hvalum, vóru fluttir til Klaksvíkar har grammir og svangir gómar, skóru upp í morgun snimma. 

Eisini fólk í koyristóli kunnu uttan trupulleikar vitjað hølini hjá Norðoya bátafelag. Finnur Hvidbro fegnaðist um lyftina, sum er sett upp. 

Bátahugni í Klaksvík 

Jóhanna í Ytsthúsi, forkvinna í Norðoya Bátafelagi bað okkum minna allar siglararar á bátahugnan í Klaksvíkk vikuskiftið 12. til 14.juli.

- Bátafelagið skaffar bátapláss, el og vatn, eisini seta vit nøkur borð við beinkjum á langsíðuni á bátabrúgvunum, eisini verđur telt set upp til felags brúk, meðan tað góða lagið og hugnan, koma tit/vit sjálvi við, sigur Jóhanna

- Øll eru hjartaliga vælkomin við at gjalda 300 kr inn á konto nr 9865 3239769 og viðmerkja bátanavn og tlf. nr. Enn er pláss, sigur Jóhanna við Norðlýsið at enda