Adelborg Linklett fødd Rasmussen

fødd 29 Januar 1935, deyð 26 Mai 2024

Vit vilja takka Marjun Lómaklett, presti, fyri troystandi orð sum fylgdi okkum allan vegin – í Uppistovu, í heiminum, í kapellinum, í kirkjuni og á grøvini.

Takk til kirkjutænarar, gravarar og sangarar.

Takk til Karl Martin og Eyðun fyri vakran sang og guittarspæl sum rørdi okkum inniliga, og til hornblásarar sum fylti rúmið við vøkrum og rørandi tónum.

Vit eru so takksamir fyri tykkum øll sum mintist mammu okkara við hjartaligum telefon samtalum, stukku inn á gólvið og vísti tykkara stuðul, komu við køkum og hjálpti til við ervinum.

Tykkum ið hava skriva vøkur og nemandi minningarorð.

Tað fløvar um okkara hjørtur at vita at so nógv hugsaðu um mammu og okkum hesa tíðina.

Ein serlig tøkk til tykkum á Uppistovu, sum vóru um mammu við so stórari umsorgan og vinarlag á hennara síðstu tíð, og tit mongu sum trúðføst vitjaðu mammu.

 Vit eru djúbt rørdur yvir allar tær vøkru blómurnar, kransar og tað sóljupríði sum var á børuni, somuleiðis tað størfingnu gávu til Klaksvíkar Sjónleikarafelag. Hvør ein tanki og vinargerð hevur havt stóran týdning fyri okkum og sum ikki er lætt at seta orð á.

Við hesum orðum vilja vit frá hjartanum senda eina inniliga tøkk til tykkum mongu sum fylgdu mammu til hennara seinasta hvíldarstað her á fold.

Familjunar vegna, Jógvan, Bent Tommy og Bogi