Kappingin fór fram í Calella, sum er ein lítil býur beint uttanfyri Barcelona.

Í alt vóru umleið 3.200 luttakarar við í kappingini, sum umfataði 3.800 metrar svimjing á sjónum, 180 kilometrar súkkling og síðani eitt heilt marathon á 42,195 km.

Anna Lovisa Mýri gjøgnumførdi kappingina upp á 12 timar og 53 minuttir meðan Hørður Joensen kom á mál eftir 11 tímar og 54 minuttir.

Samanlagt gjørdist Anna Lovisa nr. 237 av 374 kvinnum, meðan Hørður gjørdist nr. 1.449 av 2.355 monnum, men samanumtikið var teirra fremsta endamál at gjøgnumføra kappingina.

Fyrireikingarnar hjá Anna Lovisu hava verið í Klaksvík, men eisini Hørður hevur havt meginpartin av sínum venjingum í Klaksvík, har hann hevur gingið á Tekniska Skúla og leikt flogbólt við Mjølni

Í sambandi við kappingina, so var ein luttakari so óheppin, at hann doyði undir kappingini. Óhappið hendi undir svimjingini, tá hesin fekk trupulleika og var funnin flótandi í sjónum. 41 ára gamla kvinnan var fingin í land, men doyði í sjúkrabilinum ávegis til sjúkrahúsið.