Hvørt menniskja hevur ymiskan tørv og søgu, og tí er umráðandi, at vit møta hvørjum einstøkum við virðing, tí virðing hava vit øll íborna.

Í Klaksvíkar Kommunu skulu atkomumøguleikar og tænastur á ongan hátt vera avmarkandi.

Í ST sáttmálanum um rættindi hjá teimum, ið bera brek er niðurfelt, at fólk, ið bera brek, skulu kunna liva sjálvstøðugt og fullvegis vera við í øllum lívsins viðurskiftum.

Kommunan skal raðfesta, at allir borgarar hava javnbjóðis atgongd til øll trivnaðartilboð í kommununi, og kunnu liva eitt lív við møguleikum á jøvnum føti.

Rannvá Isaksen
Fólkaflokkurin