Øll, sum íðka í Føroyum, skulu vera trygg og trívast í sunnum og stuðlandi umhvørvum, bæði tá ið tey venja, og tá ið tey kappast. Tíverri vita vit kortini, at keðiligar støður kunnu koma fyri.

Men nýggja ráðgevingin, Tryggur ítróttur, vil hjálpa feløgum, venjarum, nevndum og íðkarum, so tey betur verða før fyri at lofta slíkum støðum.

- Í løtuni standa fólk og feløg rættiliga einsamøll, tá ið óhepnar støður taka seg upp. Tá er gott at hava tosað um hesi tingini áðrenn og lagt eina ætlan. Og at hava ein óheftan ráðgeva at sparra við, sigur Christina Ravnsfjall í FSF, sum hevur verið við í arbeiðinum at fyrireika tilboðið Tryggur ítróttur.  

Tveir tættir í ráðgevingini

Arbeiðið við ráðgevingini verður skipað í tveimum. 

Í fyrsta lagi kunnu feløg og sambond fáa hjálp, so tey sjálvi kunnu gera sær hóskandi leiðreglur og eina tilbúgvingarætlan, og vera klár, um okkurt óheppið skuldi stungið seg upp. Øll feløg eiga at hava ein ábyrgdarpersón, ið hevur ábyrgdina av trygd og trivnaði. Tað eru jú nevndirnar, sum hava evstu ábyrgdina av