Eitt hátrýst liggur yvir Evropa nú, og tað fer at liggja alla vikuna. Lágtrýstini fara at ganga í landnyrðing vestan fyri Føroyar, og tí fer ættin at vera útsynningur alla vikuna. Vindferðin fer at broytast eitt sindur, men ikki nógv. Fer ikki niður um 8 til 13 m/s. Ikki illveður, mesti vindurin hósdagin, 18 m/s. So vindferðin er nokkso støðug, kunnu vitr siga.

Tað verður næstan ikki dagurin uttan avfall. Samregn fleiri dagar, hinar dagarnar ælaveður. Hitalagið eisini nokkso støðugt, fer at liggja millum 7 og 10 stig.

Veðrið í vikuni – dag fyri dag:

Mánadagin:

Um morgunin 8 til 13 m/s av útsynningi, hálvskýggjað og okkurt ælið. Út á seinnapartin vaksandi vindur upp í 10 til 15 m/s, skýggjað og stundum regn, út á kvøldið ælaveður. Hitin millum 7 til 10 stig.

Týsdagin:

Útsynningur 8 til 13 m/s, seinni vaksandi upp í 10 til 15 m/s, skýggjað og løtur við regni ella ælaveður. Hitin millum 7 og 10 stig.

Mikudagin:

10 til 15 m/s av útsynningi (enn), skýggjað og stundum regn, seinni bert okkurt ælið. Hitin um 9 stig.

Hósdagin:

Aftur útsynningur, 10 til 15 m/s, í støðum upp í 18 m/s. Hetta er skrið. Loftið skýggjað og stundum regn ella ælaveður. Hitin 7 til 11 stig.

Fríggjadagin:

8 til 15 m/s sunnan ella av útsynningi, um morgunin smáskýggjað og turt, men út á dagin samdrigið og regn. Hitin um 9 stig.