Sambært keldum hjá Norðlýsinum, so er FSF nú farið at samráðast við Eyðun Klakstein um persónligu viðurskiftini. Tað plagar vanliga ikki at verða ein trupulleiki, og tí bendur alt á, at Eyðun Klakstein verður nýggjur føroyskur landsliðsvenjari. Ein leiklutur, sum hann kennir, tí hann hevur longu fingið fyrsta sigurin, tá hann sum fyribils venjari vann í Armenia í november. Eisini hava úrslitini við U21-landsliðnum verið góð.

Norðlýsið hevur roynt at fingið fatur á Eyðuni Klakstein og FSF-forsetanum Christian F. Andreasen, men tað hevur ikki eydnast.