Líkindini vóru góð, tó at partar av ljósmastrunum ikki lýstu optimalt ein part av dystinum, tá KÍ og Víkingur spældu venjingardyst í kvøld.

KÍ sat á øllum í fyrra hálvleiki og tað var í tráð við leikgongdina at KÍ var á odda 2-0. Vælleikandi Jóannes K. Danielsen skoraði fyrst og legði síðani upp til Páll A. Klettskarð, sum skoraði hegnisliga, har Víkingar vildu hava rangstøðu.

Í seinna hálvleiki vendist alt á høvdið. Víkingur tók yvir og sat á tí mesta. Poul Kallsberg minkaði um munin við beinleiðis frísparki. Útjavnandi mál lá í luftini, men so fingu Aron J. Ellingsgaard og Atli Gregersen reytt kort og so kundu teir 11 KÍ-arnir skoraðitt mál afturat móti níggju Víkingum. Innskifti Jonn Johannessen legði innfyri til Mads Boe Mikkelsen sum skoraðu. Bæði liðini gjørdu fleiri útskiftingar, men fyri norðoyingar er tað helst hugaligt, at 20 ára gamli lokali Dávid B. Andreasen tykist nærkast liðnum. Hann var fyrsti innskiftari og avrikaði væl eins og hann hevur gjørt hinar venjingardystirnar í ár. Við orku sær hann út til at verða ein av teimum bestu í hópinum i løtuni.

KÍ byrjaði við hesum liðnum: Mark F. Jensen – Jóannes K. Danielsen, Odmar Færø, Adam Ben Lamin, Robert Williams – Árni Frederiksberg, Hallur Hansson, René S. Joensen, Filip Brattbakk – Patrik Johannesen, Páll A. Klettskarð

Víkingur: Bárður á Reynatrøð – Ari Olsen, Atli Gregersen, Arnbjørn Svensson, Bergur Gregersen – Aron J. Ellingsgaard, Sølvi Vatnhamar, Poul Kallsbrg – Jákup Johansen, Jørgen Nielsen, Olaf Bárðarson.