Lýsing
Lýsing
Lýsing
Ein frálíkur dagur í gjár á TSK, har so nógv ymiskt var at fá. | Mynd: Dávur Winther

Tekniski skúli opið hús á Torradøgunum

SKRIVAÐ: Tekst & Myndir: Dávur Winther  |  23.02.2025 - 10:17 Mentan Myndarøð Tíðindi

Tey høvdu rættiliga spílað seg út á TSK, sum skúlin vanliga verður kallaður

Torra-sjálvtøkuborð, heilsurenning, heilsucafé og mangt annað var á skránni í TSK, og so var skúlin opin, har tú kundi kunna teg um tær ymsu greinarnar, undirvíst verður í.

Undir einum varð hetta í Torraskránni kallað - Opið Hús á TSK.

Á Matvørudeildin høvdu tey rættiliga spílað seg út og skipað fyri Torra-sjálvtøkuborði, har høvuðsdenturin á borðseðlinum var við rávørur úr sjónum. Eftir smakkinum at døma, hevði kokkurin ella kokkarnir havt asiatiskar brillur uppiá – og frálíkt smakkaði.

Tøknibreytin hevði rættiliga gjørt sær ómak og skipað fyri spurnarkapping um standmyndirnar í býnum, sum tú kundi gitað ymiskt um í eini spurnarkapping, tey høvdu gjørt. Afturfyri fekst tú kaffi og flógvar Vaflur.

Hesir somu næmingar á Tøknibreytini høvdu saman við Treysti skipað fyri heilsurenning. Tó valdu tey at avlýsa, tí veðrið var so illsligt hesa løtuna.

Men heilsucaféin var tó alíkavæl, og vóru tey mong, sum nýttu høvið at fáa kannað og mált blóðtrýst, blóðsukur, lungaorku, iltupptøku og annað.

Heilsukaféin til nyttuna

Henda Heilsukaféin, sum eisini hevur verið skipað saman við Klaksvíkar Sjúkrahúsi, hevur sanniliga verið til nyttuna millum ár og dag í Torraskránni.

Tað er meir enn so komið fyri, at persónar, sum als ikki vistu av ella merktu sær nakað - og tíans heldur ikki høvdu í umbúna at fara til lækn at kanna seg, eru blivin ”avdúkað fyri skeiv tøl” á Heilsukaféini. Bæði tað at blóðtrýstið var ov høgt ella tí sukurtølini ikki vóru røtt.

Í fjør, tá ið eg var við til kanningarnar á Heilsukaféini, kom eg at sita yvirav eini damu, sum sjúkrasystrarnar ikki vildu sleppa. Tað bleiv eitt sindur av mutlaríið, og tann eina spyr hina, skal eg ringja?

Tað vísti eg, at blóðsukrið var so út av lagi, at henda daman mátti innleggjast, og varð sett í viðgerð. Hesum visti hon als ikki av og hevði heldur ikki ætlanir um at fara til nakrar kanningar hjá lækna. Men hon bleiv loftað av tilvild á Heilsukaféini eftir eina hugnaliga rennig á rennibreytini.

Allar deildirnar á skúlanum høvdu opið, og til bar at kunna seg um virksemið á skúlanum, har
lestrarvegleiðarar eisini vegleiddu um tær ymsu útbúgvingarnar. 

Jú, sanniliga ein frálíkur dagur í gjár á TSK, har so nógv ymiskt var at fá.

Lýsing
Seinastu tíðindini
Hvat sigur fiski­frøðin nú? og hava tit v…
FMA í Varpinum
Plakatir - Arnold Vegghamar
Kunningarfundu­rin fluttur í Miðhøll­ina á…
Enskt-lærari til Sjónám
Marglætis skúli við marglætis avbjóðing
Nógv rokan og fiskur kring Nónhamar
Hugaligt í Norð­havnini
Norðborg settið á vrakið av Helenu
Send okkum títt hugskot!
Veiðubann fyri makrel og sild í 2028!
Almanna­verkið fimmti ára stovningardag:…
Elinborg Lützen innan skúlagátt
Kunningarfundur um nýtt hondbólts­felag í…
Klaksvík­ingar fegnaðust eftir sigurin
Rimmar avrik móti Niðurlondum
KÍ vann tryggan sigur í Gundadali
Veðrið í vikuni
Gadus siglir heim
Upptakt: B36-KÍ