Hósdagin mennist eitt hátrýst um okkara leiðir, og tá verður bert eitt lítið lot av ymsum ættum í Føroyum. Fríggjadagin fer hátrýstið eystureftir, og eitt lágtrýst við landsynningsloti um okkara leiðir fer at nærkast vestaneftir.

Veðrið í vikuni – dag fyri dag:

Í dag – annan páskadag :

Hann fer at liggja av landnyrðingi allan dag, 5 til 10 m/s, skýggjað og ælaveður, kanska eisini sólglottar vestanfyri. Hitin 4 til 8 stig.

Týsdagin:

Aftur landnyrðingur, men eitt sindur meira av vindi: 10 til 15 m/s, skýggjað og stundum regn ella ælaveður, kanska mjørki í støðum. Hitin 5 til 9 stig.

Mikudagin:

Síðsti dagur við landnyrðingi á hesum sinni. Vindferðin 5 til 10 m/s, men sum frálíður minkandi niður í  3 til 8 m/s, og hann ættin fer niður í landsynning. Sólglottar og turt fyri tað mesta, kanska okkurt ælið. Hitin 5 til 9 stig.

Hósdagin:

Eitt lot av ymsum ættum, undir 6 m/s, sólglottar og turt fyri tað mesta, men sum frálíður mjørki í støðum. Hitin 6 til 10 stig, um náttina niður í 2 stig.

Fríggjadagin:

Næstan sama veður sum dagin fyri, tó eitt sindur kaldari. Eitt lot av ymsum ættum, undir 6 m/s, sólglottar og stundum mjørki. Seinni fer hann at koma av landsynningi. Hitin 4 til 8 stig.