Fernisering: Sunnudagin, 4. mai kl 16.00 v. røðu frá Sannu Nolsøe Djuurhus og frískum tónum frá DJ Jazzy Jazz!

Upplatingartíðir:

4. mai: 16:00 ~ 20:00 (fernisering)

5. mai: 15:00 - 19:00

6. mai: 15:00 - 19:00

7. mai: 15:00 - 19:00

8. mai: 15:00 - 19:00

9. mai: 13:00 - 21:00

10. mai: 13:00 - 21:00

Gvøðny Maria Áarstein:

Er fødd og uppvaksin í Føroyum og virkar nú bæði í Føroyum og Danmark. Hon er autodidakt listakvinna og arbeiðir við málningum, video-installatiónum, linoleumsprentum og øðrum miðlum. Í sínum verkum granskar hon psykologiskar tilveruspurningar og sambandið millum menniskja og náttúru. Við eini undrandi og eksistentiellari tilgongd letur hon listina ferðast millum jørð, rúmd og teir ósvaraðu spurningarnar, ið liggja millum stjørnurnar. Við persónligum útgangsstøði og við eini sterkari tilvitsku um bæði tað innara lívið og samfelagsligar spurningar, skapar hon list, ið speglar samtíðarins fremmandagering og longsul eftir at hoyra til.

Instagram: @gvodnyaarstein

Heimasiða: ávegis

Laila Mote:

Er myndlistakvinna og arkitekt, fødd og uppvaksin í Føroyum við røtum úr Kenja. Hon hevur eina master í arkitektur frá Det Kongelige Akademi í Keypmannahavn (2022), og hevur síðani lokið prógv, arbeitt innan myndlist, grafiska sniðgeving og arkitektaarbeiði fyri kundar í Grønlandi, Svøríki, Íslandi, Gambia og her heima í Føroyum. Hennara myndlist gevur eitt innlit í at vaksa upp í einum hvítum samfelagi sum ein litt kvinna, POC, í einum føroyskum høpi. Umframt hennara persónligu evnir arbeiðir hon eisini við størri samfelagsligum spurningum og trupulleikum.

Heimasíða: Lailamote.com

Instagram: @Lailamote

Adressa:

Gallarí á Stongunum

Stangavegur 13

Klaksvík