Lýsing
Lýsing
Lýsing

Fiskimálaráðharrin og Pontius Pilatus

SKRIVAÐ: Eyðstein Ó. Poulsen  |  03.05.2025 - 13:40 Politikkur Tíðindaskriv Vinna

At vaska sær um hendurnar og senda eina funktionella og fíggjarliga hóttan inn í økið hjá Klaksvíkar kommunu kann bara enda galið!

 

Hvar eru partafólkini hjá fiskimálaráðharranum, ið siga seg umboða Norðoyggjar? Og ikki minst, hvar er varaborgarstjórin ella borgarstjórin í Klaksvíkar kommunu, nú menningin í línuvinnuni steðgar upp í Klaksvík? Vit tosa um væl omanfyri 100 ársverk.

 

Í besta kommunista-stíli sigur fiskimálaráðharrin:

(…) Hetta snýr seg ikki um persónar ella økir í landinum (…)

(…) Hetta snýr seg um lógina um sjófeingið (…)

 

Soleiðis eru stýrisamboðini hjá ábyrgdarleysum leiðarum, ið heilavaska fólkið við “Samanhaldinum í felagsskapinum.” Tíanbetur eru tað fleiri enn í Føroyum, ið skilja, at álop á einstaklingar ella øki eru álop á felagsskapin. Tá tú lættliga og kyniskt loypur á eitt øki ella ein persón, so kann tann næsti verða bæði tú, eg ella ein annar.

Línuvinnan hevur nógv tey síðstu árini ment seg ígjøgnum baldrutar upp- og niðurgongstíðir. Tað hava og eru bæði rakstrarligar og politiskar avbjóðingar. Ringast av hesum hava verið politisku avbjóðingarnar. Í Klaksvík eru vit fegin um tey tøk, ið eru tikin, og tey úrslit, ið fólkini ella einstaklingarnir hava útint fyri hesa vinnu og hendan bý. Tí vil eg upp á tað harðasta átala avvápningina av vinnulívinum í Klaksvíkar kommunu, har trongsygni, ábyrgdarloysi og pennastrok frá landsins leiðslu nú aftur hótta væl oman fyri 100 ársverk í kommununi!

Eitt pennastrok, ið ikki bjargar felagsskapinum, men eitt álop á persónar og øki. Landsstýrismaðurin er væl vitandi, eins og Pilatus, at hetta er ikki í lagi, tí vaskar hann sær um hendurnar við at peika á felagsskapin!

 

Eyðstein Ó. Poulsen

Lýsing
Seinastu tíðindini
Jóanes Nielsen listaframsýning á Norðyas…
Klaksvík­ingur fer eftir 5. føroyameistar…
Í ár skal tað verða hjá Norðingi
Jóannes Bjartalíð áveg til KÍ?
Árnfirð­ingur er við í ár
Minnist til upphiting­ina í Varpinum
Myndarøð: KRF-manningar­nar 2025
So føgur í Føroyum er summarsins tíð
Vælkomin til kappróður á Norð­oyastevnu
Norð­oyastevnu­konsertin verður aftaná KÍ…
Vit ætla at blanda okkum í oddin
Mildrid á Lógv tikið sæti í býráðnum
KÍ spælir toppdyst á norð­oyastevnu
Norðlýsið fer undir beinleiðis kappróðr…
Fleiri bátar venja málið í Klaksvík
Fyrireikingarfundur undan Norð­oyastevnun…
Vælkomin í Norðoya Sparikassa á Norðoyas…
Býráðið vitjaði Norðoya Fornminna­savn
Patrik lovar tvey mál móti NSÍ
Javnaðar­flokku­rin fer í knús