Lýsing
Lýsing
Lýsing

Undirsjóvartunnil í Kalsoynna

SKRIVAÐ: Bjørn Kalsø  |  15.06.2025 - 07:43 Lesarabrøv Tíðindi

Spurningurin er, um sjóvegis ferðasamband ikki er ein leivd frá fornari tíð, og um undirsjóvartunnil ikki er framtíðar farleiðin í Kalsoynna ?

 

 

Undan aldarskiftinum varð roynt at fáa Kalsoynna við í norðoyatunnilsverkætlanina. Men talað var fyri deyvum oyrum.

Hvørki politiskarar ella ráðgevar, fingust at fremja tað einasta rætta í verki.

 

Plástur á sárið

Ferjulegan, sum kom í 2005 var plástur á sárið. Sam fór at sigla fyri Barsskor. Eitt tátíðar framstig, men í framtíðarsjónarhorni, - eingin langtíðarhaldfør íløga.

Sjón er fyri søgn, nú hundraðtals milliónir skulu nýtast at byggja nýggja kalsoyarferju, íløgur í ferjulegurnar á Syðradali og í Klaksvík og framtíðar skiparakstur.

 

Undirsjóvartunnil í Kalsoynna

Orka og peningur vóru uttan iva betur farin í undirsjóvartunnil á leiðini við Bumshamar í Klaksvík yvir til Syðradals á Kalsoynni, - á leið sum myndin omanfyri vísir.

 

Minni munur á kostnaði á ferju og tunli

Verður farið styrstu leið, kann undirsjóvartunnilin byggjast fyri 450 mió. kr. Tá er  eindarprísurin uml. 120 mió. kr. fyri hvønn kilometur, og tunnilin knappar fýra kilometrar. Tað tekur minni enn trý ár at byggja tunnilin.

Til samanberingar fer kostnaðurin av at byggja nýggja kalsoyarferju at tátta í 200 mió. kr.

Aðrar 10 tals mió. kr. skulu eisini nýtast til íløgur í í ferjulegurnar á Syðradali og í Klaksvík, um nýggja ferjan, ið er væl størri enn Sam, skal kunna sigla regluliga á vetrardegi í myrkri, vindi og hørðum streymi.

Framtíðar skiparakstur, og avmarkingar, sum standast av at reka ferju heldur enn fast samband, eiga eisini pláss í roknistykkinum.

 

Tekin í sól og mána tala fyri undirsjóvartunli

Samanumtikið er spurningurin, um sjóvegis ferðasamband ikki er ein leivd frá fornari tíð, - og um øll tekin í sól og mána ikki tala fyri undirsjóvartunli heldur enn ferju í Kalsoynna ?

 

Bjørn Kalsø

Lýsing
Seinastu tíðindini
Havsbrún er ein sera fjøltáttað fyritøka
Líðhamar 25.000 pund á bankanum
Lands­stýris­maðu­rin vitjaði JFK
Teistin royndi rampuna vestarumegin
Fiskaklettur og Búgvin landað í dag
Evropa dystirnir undir luppin
100 fermetrar stórt KÍ flagg
Her sæst KÍ dysturin hóskvøldið
Postkort úr Finlandi
Nýggj pantskipan á G! minkar plastdálkin…
Hóskvøldið spælir NSÍ altjóða dyst í Kla…
KÍ Varpið vísir ikki útidystin móti SJK
Góð úrslit hjá føroysku peningastovnunum
Myndarøð: Víkingur - Lincoln Red Imps
Myndarøð: KÍ á veg til Finlands
Nú skal tað verða - Klaksvíkin skal rudd…
Stakkavík 6000 pund
Søgan um Merle Haggard (6:9)
Poula fer at stýra ítrótti­num á Betri Oy…
KÍ hópurin komin til Vaasa