24 ára gamla Jens Tórolvsdóttir skiftir møguliga til KÍ. Í øllum førum hevur hon vant við KÍ-kvinnum í vetur. Talan er um ein av mest eyðsýndu leikarunum í kappingini seinnu árini. Sambært FaroeSoccer er hon skrásett fyri 96 mál í 146 dystum. Jógvan Skorheim hevur vegna leiðsluna ábyrgdina av kvinnuliðnum hjá KÍ og hóast hann ikki vil seta navn á, so váttar hann, at hugt verður eftir at fáa tilgongd av einum ella tveimum leikarum. Tá verður hugt eftir álopsleikara og miðvallarleikara. KÍ hevur enn ikki sett venjara, men Jógvan sigur, at arbeitt verður við málinum og at bæði føroyingar og útlendingar eru uppá tal. Ætlanin er, at hetta skal koma uppá pláss áðrenn jól.