Søkt hevur verið eftir stjóra til nýggja hotellið í Klaksvík seinasta mánaðin. Freistin at søkja starvið var úti 31. desember.

Vit hava fingið 21 umsóknir, fleiri væl kvalifiseraðar. Tað hava bæði kvinnur og menn søkt starvið. Umsóknir eru eisini komnar frá persónum uttanlanda, upplýsir Johannes.

Vit ætla at seta starvið skjótast gjørligt, sigur Johannes.

Lata upp fyri bókingum tann 15. januar

Tað fer at bera til at bóka kamar á kghotel.fo frá 15. januar til eitt nú Summarfestivalin í august, sigur Johannes Jensen við Norðlýsið at enda.