Torratingið við kjakið um fiskivinnuna hevur verið á skrá at kalla frá byrjan av -  fyri skjótt 20 árum síðan. Afturat tí hava fleiri álmanakkar havt Torravikuna eyðmerkta í kallendaranum.

KvF fekk eina heilsan fyri jól, at nú stundar halgan til og harvið eisini Torradagarnir. Striltið gekk at fáa eina klára afturmelding við yvirskrift og tema fyri kjakið.

Tó fingu vit at vita, dagin fyri evsta mark fyri blaðnum, sum tað skuldi til prentingar, at KvF var við til Torrakjakið.

Men onga yvirskrift, tema ella vinkling. Hetta undraði - tí gjørdi undirritaði so eina í síðstu løtu. ½ tíma eftir, at Torrablaðið varð farið til Danmarkar til prentingar, ringdi stjórin á KvF, Magnus Dam og boðaði frá, at tey høvdu raðfest annarleiðis og ikki fingu manning til Torratingið.

Hóast vit royndu fleiri aðrar møguleikar - eisini við royndum fólki, sum hava verið við fyrr, so bar ikki á mál. Eisini tí, at tey vóru bundin av øðrum uppgávum, samstundis sum skotbráið var ov stutt.

So tí er tað harmiliga at boða frá, at Torratingið í Varpinum í kvøld kl. 19 er AVLÝST!