TIME velur støð kring allan heim, sum tey meta bjóða serligar og nýskapandi upplivingar innan ferðavinnu, mentan, matstovur og hotell. Listin verður gjørdur í samstarvi við tíðindafólk kring allan heim.

At Ress nú er komið á listan verður mett sum ein stór altjóða viðurkenning – bæði fyri spa’ið sjálvt og fyri føroysku ferðavinnuna sum heild.

“Vit í Ress og á Hotel Føroyum eru bæði errin og takksom fyri viðurkenningina frá TIME. At vera vald sum eitt av ‘World’s Greatest Places 2026’ er ein stórur heiður og ein staðfesting av arbeiðinum, sum er lagt í at skapa eina serstaka vælveruuppliving í Føroyum,” sigur Súsanna í Stórustovu, leiðari í Ress.

Samstundis er heiðurin eisini ein viðurkenning av Føroyum sum ferðamáli, har náttúra, gestablídni – og nú eisini vælvera – ganga upp í eina hægri eind.

Við hesari viðurkenning verður Ress Spa sett á heimskortið sum eitt av teimum mest áhugaverdu støðunum at vitja í 2026.

Listin sæst her https://time.com/collection/worlds-greatest-places/2026/