Føroya Fiskimannafelag og Føroya Reiðarafelag hava júst skrivað undir nýggjan sáttmála, sum er galdandi til 1. apríl 2028.
Sáttmálin varð undirskrivaður í Sjósalinum á KG Hotel í dag.
Viðgerðatrygd merkir, at limir okkara sleppa til viðgerð innan 10 dagar og tað er arbeiðsgevarin, ið rindar fyri hetta, sigur Jan Højgaard formaður í Føroya Fiskimannafelag við Norðlýsið
Manningin í Barentshavinum fær 1.100 krónur pr, dag um túrurin gerst drúgvari enn 75 dagar, upplýsir Jan Højgaard fyri Norðlýsinum.
Tað eru fleiri onnur viðurskifti, sum vit hava vunnið í sáttmálanum sigur ein vælnøgdur formaður.
Nú resta samráðingarnar millum Reiðarafelagið og tey bæði Skipara- og Navigatørfelagið og Maskinmeistarafelagið.
