Gallup: 90% av republikansku veljarunum stuðla Trump
Hvønn dag verður Trump sagdur at verða umstríddur, men nóg bendir á at hann eisini er undirmettur.
Hóast umstríddar politiskar útmeldingar, rættarmál, kanningarstjórar, skandalur og skinklandi politiska kós vísir nýggjasta veljarakanningin hjá Gallup at heili 90% av republikansku veljarunum stuðla amerikanska forsetan. Donald Trump hevur meira stuðul enn nakar annar Republikanskur forseti hevur havt í sínum egna flokki. Hann er enntá betri umtóktur enn George W. Bush var beint eftir terroratsóknirnar (9/11) í New York, skrivar CNN
Vanliga hugsanin millum politiskar viðmerkingar hevur higartil verið at Donald Trump, sum tíðin leið fór at missa undirtøku, eisini millum sínar egnu veljarar. Men seinasta veljarakanningin gevur ábendingar um júst tað øvugta, tí sambært Gallup geva tølini ábending um at Trump væl á veg at vinna komandi forsetavalið.
Gallup tølini vísa at heili 45% av amerikansku veljarunum halda Donald Trump ger eitt gott arbeiði hóast allar skandalusøgurnar, sum hvønn dag verða skrivaðar um amerikanska forsetan.
Sambært CNN samsvara veljaratølini hjá Donald Trump við tey hjá Jimmy Carter (42%), Ronald Reagan (44%), Bill Clinton (44%) og Barack Obama (47%) um somu tíð.