UEFA heimasíðan hátíðarheldur bestu fótbólts familjurnar í Europa. Og ímillum mætastu familjurnar er ein kend úr Føroyum útvald.

Tað er heimasíðan uefa.com, sum í dag hevur longri grein, har heimasíðan hevur útvalt mætastu familjurnar í fótbólti í Europa. The Mkhitaryans hjá Armenia, The Laudrups hjá Danmark, The Charltons hjá Onglandi, The Litmanens hjá Finlandi, The Boatengs hjá Týsklandi, The Gudjohnsens hjá Íslandi, The Maldinis hjá Italia og The Shanklys hjá Skotlandi eru millum tær útnevndu familjurnar, ið sambært uefa.com hava skarað framúr.

The Klaksteins

Men Føroyar hava eisini fingið sína familju á listan. Og tað er familjan Klakstein hjá KÍ. Um Klakstein familjuna stendur soleiðis(umsett):

Odmar Færø, sonurin Odmar Færø og abbasonurin Odmar Færø hava allir umboðað Føroyar á landsliðinum, men ‘’The Klaksteins’’ kann vera ein enn meira eyðsýnd fótbólts familja. Liðfelagarnir Bára S. Klakstein og dótturin Eyðvør vóru tær fyrstu foreldur-eftirkomari sum spældu saman í landsdysti, tá Føroyar vann 6-0 móti Luxembourg í november í 2012. – Hetta er heilt fantastiskt, segði tann tá 18 ára gamla Eyðvør. – Eg hevði ongantíð væntað, at hetta vildi blíva møguligt, segði stolta mamman. Maðurin Eyðun og sonurin Heðin hava eisini spælt á besta liðinum hjá KÍ.

Alt um tær 39 serstøku fótbólts familjurnar í Europa kann lesast á UEFA heimasíðuni HER.

Mynd: Eydbii