“Donald Trump vil als ikki vera forseti.” Tað sigur Stephanie Cegielski, ein fyrrverandi samskiftisleiðari, ið hevur arbeitt við at samla pengar inn til valstríðið hjá Trump.

“Einasta orsøkin til at hann heldur á við at stríðast fyri at gerast forsetavalevni, er hansara sjálvgleði,” sigur hon.

Í einum opnum brævi til stuðlarnar hjá Trump greiðir Cegielski frá, hvørjar ætlanir hon sær fyri sær, at Trump hevur við valstríðnum.

“Sjálvt ikki Donald Trump sjálvur trúði uppá, at hann fór at koma so langt. Tað mest óhugnaliga við tí er, at hann vildi ikki vera forseti,” skrivar hon í brævinum.

“Hann var ikki fyrireikaður og klárur at fara allan vegin í Hvítu Húsini, men hansara sjálvgleði hevur síðani yvirtikið førarasetrið, og nú hevur valstríðið alt at siga,” sigur hon.

Sambært Stephanie Cegielski var málið hjá Donaldi Trump at enda sum nummar tvey í kappingini um at gerast republikanskt forsetavalevni.