Trump leggur Obama undir at standa aftanfyri mótmælistiltøk og lekar
Amerikanski forsetin, Donald Trump, leggur nú fyrrverandi forsetan, Barack Obama, undir at hava ein fingur við í spælinum í áhaldandi mótmælunum móti Trump og lekum úr Hvítu Húsunum.
Amerikanski forsetin, Donald Trump, leggur nú fyrrverandi forsetan, Barack Obama, undir at hava ein fingur við í spælinum í áhaldandi mótmælunum móti Trump og lekum úr Hvítu Húsunum.
Ákærurnar komu frá Trump í eini samrøðu við sjónvarpsstøðina Fox News.
Øll samrøðan skuldi vísast á sjónvarpsrásini nú fyrrapartin, men eitt brot er frammanundan lagt út á alnótina. Brotið vísir Trump, sum svarar spurningum um leiklutin hjá Obama í sambandi við lekar og mótmæli.
”Eg trúgvi at Obama, forseti, stendur aftanfyri, tí hansara fólk standa heilt týðuliga aftanfyri. Og Nakrir lekar stava helst frá sama bólki, og tað er álvarsamt, tá talan er um landsins trygd,” sigur Trump.
”Men soleiðis er politikkur, og soleiðis fer tað helst altíð at verða,” sigur hann og leggur afturat, at ein ongantíð veit, hvat hendir handan leiktjøldini.
Donald Trump leggur í samrøðuni ikki nakað prógv fram fyri sínum pástandum.
Samrøðan við Trump er partur av sendingini: ”Fox and Friends”.