Stjórin í FBI, James Comey, hevur nú aftur skelka politikarar og viðmerkjarar í USA, tá hann undir hoyring í kongressnevnd, váttaði at amerikanska tjóðar løgreglan, kannar um beinleiðis samband var ímillum Donald Trump og ráðgevarar hansara og Russisku fregnartænastuna undir valstríðinum. Kannað verður um Donald Trump samskipaði sín valdyst við russisku fregnartænastuna.

Stjórin í FBI, James Comey, er ikki bangin fyri at leggja fingrarnar ímillum. Undir heita amerikanska valstríðnum, boðaði hann bráddliga frá at FBI kannaði amerikansak uttanríkisráðharran, Hillery Clinton, í samband við nógv umrøddu skandaluna í samband við horvnu teldupostarnar.

Men nú hevur hann sett Republikanararnarí eina ótolandi støðu, við at vátta at FBI er farið at kannað álvarsamar skuldsetingar um at Donald Trump og ráðgevarar hansara samskipaðu sína herferð í amerikanska forsetavalinum, við russisku fregnartænstuna.

Samstundis avsannaði hann útsøgn frá Trump um at Obama skuldi hava givið boð um at avlurta høvuðsstøðina hjá Trump undir valstríðnum.

- Eg havi kannað skuldsetingarnar hjá forsetanum, men havi ikki fingið nakra ábending um at hald er í hesum skuldsetingum, hvørki í FBI ella í amerikansku umsitingini, segði hann avgjørdur.

Sí samandrátt her

Sí alla frágreiðingina hjá FBI stjóranum