Í minni enn 48 tímar hevur amerikanski forsetin ráðført seg við sínar herðnaðarligu ráðgevarar og útvalt bumbumál í Syria. Russland fekk ávaring um álopið beint undan álopinum, men kúvendingin av amerikanska uttanríkispolitikkinum hevur tikið øll á bóli.

Australski premier ministarin hevur verið útið alment og givið sín fulla stuðul til álopið.

USA og tey sameindu hava seinastu 6 árini ikki gjørt nakað fyri at steðga bardøgunum í Syria, tí man hevur ikki kunna foreint seg við hvat kann koma ístaðin fyri Assad. Ringu royndirnar USA hevur havt av at stuðla uppreistrinum móti Gadaffi í Libia, hevur verið beinleiðis orsøk til at Assad saman við Russlandi hava gjørt sum tey hava vilja í Syria.

Men nú hevur amerikanki forsetin, einsamallur, sagt at nokk er nokk, og tað hevur tikið øll á bóli – ikki minst Russland.

- Assad hevur brúkt kemisk vápn móti sínum egnum børnum.

- Einki av Guðs børnum, í heiminum eigur at upplivað tað, sum hesi børnini hava upplivað seinastu dagarnar. Politikkurin, sum vit hava ført seinastu árini í Syria hevur ført til streymar av flóttafólkum, sum allur vesturheimurin líður undir. Hesin politikkurin er fullkomiliga miseydnaður og álopið sum eg gav boð um, eigur at vísa heiminum, at avgerðir fáa avleiðingar, segði Trump á stuttum tíðindafundi eftir álopið.