Í ár er valár, so fíggjarkarmarnir eru bert eftirfarandi, um sitandi samgonga sleppur at halda áfram aftaná løgtingsvalið, sum í seinasta lagi skal vera 31. august. Størsti spenningurin er um fíggingina av sjúkrahúsverkinum. Har hevur sansað at í seinastuni, og endin var, at nýggi sjúkrahússtjórin legði frá sær eftir einans 14 mánaðir í starvinum. Aftaná tók Heilsumálaráðið í egnan barm, og ætlanin er nú at finna fíggingina fyri í ár við eykajáttan. Fíggjarkarmarnir koma at vísa, hvussu tað fer at síggja út í 2020.

Eisini er ein ávísur spenningur um, hvørt Landsstýrið ætlar at gera sum í 2001 og skerja blokkin beint áðrenn løgtingsvalið. Javnaðarflokkurin er neyvan heitur fyri hesum, men kann verða noyddur til at gera sum Framsókn og Tjóðveldi siga, tí hann hevur brent brúnna til Fólkaflokkin eftir valið. Hinvegin eru ongar ábendingar í fíggjarlógini um nakra blokkskerjing, tó at fylgiskjalið til samgonguskjalið sigur, at ríkisveitingin skal skerjast. Fíggjarkarmarnir eru seinasti møguleikin hjá hesi samgonguni at halda hetta lyftið.

Karmarnir verða sum nevnt lagdir fram kl. 10, og til ber at stroyma frá teimum av heimasíðuni hjá Fíggjarmálaráðnum, www.fmr.fo.

Norðlýsið fylgir við framløguni.