Lýsing
Lýsing
Framtíðin fíggjar yvirskotið og blokkurin verður ikki minkaður við einari krónu | Mynd: kvf.fo

Danir og framtíðar pensjónistar fíggja avlopið

SKRIVAÐ: Jóhann Lützen  |  30.03.2019 - 09:04 Leiðarin Politikkur

Fíggjarkarmarnir eru nú lagdir fram, men har var lítið gott at frætta fyri tey, sum ynskja ein sjálvberandi føroyskan búskap. Ríkisveitingin verður ikki skerd hetta valskeiðið, og veruleikin er tann, at yvirskotið hevði verið undirskot, um ríkisveitingin ikki verður tald við.

Í fylgiskjalinum til samgonguskjalið frá 14. september 2015 stendur “Ríkisveitingin verður fyrst fastfryst og seinni minkað”. Fastfrystingin er framd, men lyftið um at skerja veitingina verður ikki framt í hesum valskeiðinum. Í staðin verður tað lovað enn einaferð til komandi valskeið. Hetta er greitt eftir framløguna av fíggjarkørmunum í gjár og útdýpandi viðmerkingarnar frá Kristinu Háfoss, fíggjarmálaráðharra, í Degi og viku í gjárkvøldi.

Fíggjarmálaráðharrin budgetterar við einum yvirskoti uppá ½ milliard, og ætlar samstundis at hækka almennu útreiðslurnar við 3,5%.

 

Pensiónsforskattingin heldur áfram

Umframt at blokkstuðulin er inni við somu styrki minst hetta valskeiðið afturat, eru ongar ætlanir um at avtaka pensiónsforskattingina aftur heldur. Tað var annars eitt lyfti til seinasta val, men tað tykist nú at verða heilt slept, og tí skal ein komandi samgonga eisini liva uppá lán frá framtíðini.

Tilsamans kann ikki sigast, at búskapurin er vorðin væl bjálvaður til at gerast sjálvbjargin, hóast vit hava hákonjunktur og bestu búskapartíðir. Vit skulu framhaldandi skatta pensjónir við inngjald, óansæð hvør samgonga sleppur til, letur tað til, og sjálvt tá kemur ikki nóg mikið inn í kassan til at hava yvirskot uttan blokkstuðulin úr Danmark.

 

Lýsing
Seinastu tíðindini
KÍ fyllir 115 ár í dag
“KÍ ongantíð skal doyggja, soleingi fólk…
Yvirkæru­nevndin tikið støðu um Deni Pavl…
Maria og Vibeka luttaka í DM fyri ung
Íbúðirnar Undir Kongavarða verða góða he…
Sigoynarin
Rólant og Martin nógv at gera
KÍ kvinnur­nar nærkast FM-heitinum
Jørðin kallar Framsókn
FM: Maria vann 5 gull og Einar 2 gull
Beinleiðisfrísparki og føroyska fótbólts…
Øll skipini hjá Skansi Offshore hava nú…
Trump
Firmport ósakliga viðgjørt í kanning a…
Ikki við valdi og ikki við kraft, men vi…
Betri tíð til barnið
Eg flenni í andglettinum
Heilsu-og sjúkrarøktin á dagsskrá!
Politiskt hugnakvøld í Jaqson fríggjakvø…
Skert KÍ-lið á Eiði sunnudagin