Dysturin leygardagin í Klaksvík kemur at geva ábendingar um styrkina hjá 07 Vestur.

Víkingur er oddalið í 1.deild við 19 stigum. 07 Vestur liggur á 2. plássi við 16 stigum (og einum dysti færri). KÍ og NSÍ liggja á 3. og 4. plássi við 13 stigum. Liðini sum kunnu flyta upp, B68 og B71, liggja nr. 6 og 7 við 8 og 7 stigum, tó hevur B71 leikt ein dyst færri enn hini liðini eins og 07 Vestur. Sostatt bendur nógv á í løtuni, at tað verður bara 07 Vestur sum flytur upp.

Men vinnur KÍ á 07 Vestur leygardagin, so kemur eisini spenningur í um plássið hjá 07 Vestur samstundis sum KÍ leggur seg á 2. plássið. Kravið fyri at flyta upp er at enda í topp 3. Oddaliðið Víkingur spælir á útivølli móti B68.

Dysturin í Klaksvík millum KÍ og 07 Vestur byrjar kl. 15.00.