Køld luft norðaneftir er komin hendavegin síðan 30. apríl. Upprunin hevur verið sjálvur Norðpólinum, so tað hevur ikki verið nógv at siga til, at tað hevur verið kalt.

Hóast ikki so óvanligt, so er tað líka forbiðið hvørja ferð og kemur illa við. Fleiri bóndur hava mist lomb í hesum lambasprænanum.

Tað er eitt hátrýst yvir Grønlandi, sum hevur verið høvuðsatvoldin til kalda veðrið her hjá okkum seinastu vikuna ella so.

So er tað tað, hvussu leingi kalda veðrið fer at vera afturat. Hátrýstið yvir Grønlandi sær ikki út til at vilja flyta seg teir næstu dagarnar, men í vikuskiftinum fer eitt lágtrýst sunnaneftir at troka seg ímóti tí.

Høgættin fer at liggja til mánadagin í komandi viku, soleiðis sum tað sær út í løtuni.