Lýsing

Endurlýsing eftir rektara til Fróðskaparsetrið

SKRIVAÐ: Hans Jacob á Líknargøtu  |  14.05.2019 - 12:13 Tíðindaskriv Tíðindi

Ov fáar umsóknir vóru í fyrra umfari, og starvið sum rektari á Fróðskaparsetri Føroya verður tí lýst leyst av nýggjum. Nýggja freistin er 28. mai.


Tá upprunaliga freistin var úti, vóru tríggjar umsóknir komnar til starvið sum rektari á Fróðskaparsetri Føroya, harav ein varð mett ikki at uppfylla grundleggjandi krøvini til tílíkar umsóknir. Stýrið fyri Fróðskaparsetrið hevur tí eftir tilmæli frá setanarbólkinum gjørt av at lýsa starvið leyst av nýggjum, soleiðis at fleiri fáa høvi at søkja.

Í hesum sambandi er starvslýsingin dagførd, millum annað grundað á tær afturmeldingar, ið eru komnar til ta fyrru lýsingina.

Minni dentur verður lagdur á fyrisitingarligar og málsligar førleikar, og tað er ikki krav, at viðkomandi hevur granskingarførleikar. Fremsta uppgávan hjá rektaranum er at standa fyri leiðsluni á Fróðskaparsetrinum og at tryggja, at stovnurin veitir samfelagnum gransking og útbúgving á altjóða stigi.

Rektarin skal hava eina sterka akademiska bakgrund og evni at skapa undirtøku bæði innanhýsis og uttanhýsis. Samstarv við granskingarstovnar, útbúgvingarstovnar, myndugleikar og vinnulív bæði í Føroyum og uttanlands verður raðfest høgt.

Saman við leiðslu og stýri skal rektarin í heyst dagføra langtíðarætlanirnar hjá Fróðskaparsetrinum, og næstu fimm árini ganga á odda í arbeiðinum at styrkja støðuna hjá Fróðskaparsetrinum sum leiðandi vitanardepli í Norðuratlantshavi.

Fróðskaparsetrið hevur í dag 24 útbúgvingar, 144 starvsfólk og yvir 1000 lesandi.

Umsóknarfreistin er 28. mai 2019, og rektarin byrjar í starvinum 1. september 2019. Starvstíðin er fimm ár.

Lýsing
Seinastu tíðindini
Vit mugu virðismeta og raðfesta Strandfe…
Endur­nýtsla ella skilaleyst oyðsl?
Nú eru greitt nær KÍ spældir útsettu lan…
Húsarhalds­skúli Føroya fingið tilsøgn
Laksatorgið fer av bakkastokki í morgin
Føroyagrunnu­rin lýsir eftir umsóknum
Lægri lønarskatt og kappingarføra skatta…
Prince verður avloysara­skip fyri Smyril
Lova 33 hitastig í Luzern hósdagin
Útiguds­tænasta norðuri á Skarði
Smærri flogvøllir
Grund­stykkir í Fløtugerði í Leirvík
Tróndur í Gøtu kemur at liggja eitt knap…
Nýggjur stjóri á Landsverki
Trípartasamstarv um námsfrøði og fleiri…
Eldri hava eisini rætt til serlækna
Fekk sekkin fyri at ‘’tapa’’ móti KÍ
KÍ spælir neyvan lands­kappingardyst koma…
Dystirnir móti Luzern eru lagdir
Kom og takið synd í Fólka­flokkinum