Hæddarpunktið í kvøld hjá føroyingum var, tá Klæmint A. Olsen í fyrra hálvleiki skoraði til 2-1 eftir hornasparksinnlegg. Annars sat Spania á tí mesta. Spania skoraði tvey mál í hvørjum hálvleiki og vann samanlagt 4-1, sum ikki var ov lítið í mun til dystargongdina. Hetta er eisini ein munur, sum føroyingar kunnu liva við, tí talan er um eitt av heimsins bestu liðum, meðan føroyingar vóru nakað skerdir við serliga at mangla Jóan Símun Edmundsson, sum helst er størsti profilurin á liðnum. Føroyingarnir stríddust alt teir kundu allan dystin og royndu eisini at bjóða av framftir, har besta løtan kanska var fyrsta partin av seinna hálvleiki, tá serliga Árni Frederiksberg var við í nógvum av tí mest vandamikla.

Nevnast kann, at av KÍ-leikarunum, so kom Patrik Johannesen á vøllin síðsta partin av dystinum. Dagsins leikari var av Sona valdur Klæmint A. Olsen.