Lýsing
Lýsing
Mynd: Breno

Páll A. Klettskarð og Breno fluttu upp í Seriu D

SKRIVAÐ: Jákup Ósá  |  09.06.2019 - 18:00 Ítrottur Tíðindi

Í dag var finalan um uppflyting.

Breno hevur havt eitt gott kappingarár og spældi seg til plássini, har spælt bleiv um uppflyting til Seriu D, sum er 4. besta deildin í Itala. Páll A. Klettskarð hevur spælt við hesum liðnum síðani føroyska kappingin endaði í 2018. Tað byrjaði væl hjá honum og hann spældi regluliga og skoraði eisini nøkur mál. Men síðani fekk hann ein skaða, sum bleiv drúgvari enn væntað. Hesar síðstu dystirnar hevur hann sitið á bonkinum og onkran dyst spælt nakrar minuttir móti endanum. Tað gjørdi hann eisini í dag. Breno vann 2-1 móti Legnano og tá fyrri dysturin endaði 1-1, so merkti hetta, at Breno tryggjaði sær uppflyting og skal spæla í Seriu D komandi kappingarár.

 

Sum vit skrivaðu fyrr í vikuni, so er tó ógreitt, um Páll A. Klettskarð heldur fram í Breno. Ein møguleiki er eisini, at hann fer at spæla í Føroyum eftir summarsteðgin, har KÍ og onnur lið vilja hava hann í sín hóp.  

Lýsing
Seinastu tíðindini
Bústaðir: Sjey leiguíbúðir í Vestmanna
Heiðurslø­nir til eldsálir innan barna- o…
Føroyingar skulu ikki rinda danskan moms
Blákollan stuðlar Team Rynkeby
Barna­tannrøktin í summar­frítíðini
Gott at koma heim
Háskúla­felag stovnað
Vestanstevnurenning og tri mini sprint 2…
Grøn fjarhita­skipan boðin út
Ítróttafeløg kunnu nú søkja um covid-19…
KÍ gjørt sáttmála við miðvallarleikara
KÍ rakti botnin á Tórsvølli
KÍ tapti 6-2 ímóti B36
KÍ stuðlar Tórshavn bjóða inn
KÍ kvinnur vunnu 3-2 á B36
- Hepnið fylgir vinnarunum
Sa sjet bara
Myndir frá Skúvadalstúri í gjárkvøldið
Næstan stilli á Tórsvølli í dag
Upptakt: B36-KÍ