Lýsing
Lýsing
Mynd: Pól Sundskarð

Samgongan í Klaksvíkar Býráð heldur ikki orð

SKRIVAÐ: Tíðindaskriv  |  05.07.2019 - 13:39 Politikkur Tíðindi

At meirinntøkan liggur betri í kommunukassanum, nú so nógvar stórar verkætlanir eru ígongd, kunnu vit skjótt blíva samd um. Veruleikin er bara, at longu nú eru eykajáttanir fyri 3,5 av 7 mió. kr., játtaðar til onnur átøk, nú árið er hálvrunnið, uttan at samgongan hevur hildið seg til greiðu býráðssamtyktina um at endurskoða fíggjarætlanina fyri 2019

Vit í minnilutanum mótmæla harðliga hendingina á býráðsfundinum mánakvøldið. Tað, sum var ein greið avtala millum meiri- og minnilutan, datt knappliga burtur og avtalan varð brotin.

Tá ið fíggjarætlanin fyri inniverandi ár varð samtykt, fingu vit við í samtyktina, at fíggjarætlanin skuldi endurskoðast í apríl 2019. Tá ið hetta mál ikki stóð á skrá í apríl, spurdu vit eftir tí, og fingu at vita frá borgarstjóranum, at tað fór at koma fyri í juni-umfarinum.

Á skránni til útsetta býráðsfundin, mánakvøldið 1. juli, stóð knappliga eitt heilt annað mál á skrá. Í samráð við nevndarformenn- og kvinnur legði borgarstjórin málið fram. Nú skuldi fíggjarætlanin allíkavæl ikki endurskoðast.

At samgongan virðir sínar egnu samtyktir so lítið og at arbeitt verur so tilvildarliga er ófrættakent. Borgarstjórin førdi fram, at meirinntøkan vit hava fingið higartil, liggur betri í kommunukassanum, so hesin kann koma verkætlanunum, ið eru í gongd, tilgóðar. Veruleikin er bara tann, at longu nú eru 3,5 mió. kr. av meirinntøkuni uppá 7 mió. kr. játtaðar til onnur ymisk átøk, nú árið er hálvrunnið, uttan at íløgukarmurin er endurskoðaður, sum samtykt.

At samgongan ikki heldur seg til býráðssamtyktina um fíggjarætlanina fyri 2019 og at meirilutin førir ein slíkan tilvildarligan fíggjarpolitikk, fara vit ikki at góðtaka.

Enn einaferð vilja vit heita á samgonguna um at taka málið um endurskoðan av fíggjarætlanini upp til viðgerðar.

Vegna Fólkaflokkin
Gunvá við Keldu
Atli S. Justinussen
Beinir Johannesen
Herfrí J. Sørensen

Vegna Tjóðveldi
Steinbjørn O. Jacobsen

Lýsing
Seinastu tíðindini
Síðsti heimadystur hjá minst tveimum KÍ-…
KÍ hevur sett venjara til kvinnu­liðið í…
Tey fremstu fótbóltsfeløg­ini fara avstað…
Áhugaverd framløga um trivnað hjá okkara…
Glíðibreytin
Størru útróðrarbátar­nar vestanfyri í nát…
Safir og Grønanes landa á Kósini í morgu…
Don Quixote aftur á hestbak
KÍ vann stórsigur
Gunvá: Vit fáa onki at vita
Klaksvíkar kommuna respektleys
Gadus siglir heim
U19-lands­liðsleikari gjørt langan sáttmá…
Karl Birgir gav Pochettino føroyska troy…
Morgunsangur í Fuglafjarðar kirkju
Gott fiskarí í Fuglafirði
Gott fiskarí í Fuglafirði
Føroyska makrelkvotan í 2020 verður 116.…
Nakrir útróðrarbátar í dag
Grøna leiðin nýtist ikki at kostað kassa…